خالد فهمي Posts

نُشر في “فيسبوك” في ٢٨ يونيو ٢٠١٤ ماشي. خللينا نفترض جدلا إن الداخلية صادقة لما بتقول إن المحبوسين في الأقسام في طول البلاد وعرضها بيموتوا مش نتيجة تعذيب ممنهج إنما نتيجة التكدس وقلة شفاطات الهوا في أوض الحجز. وخللينا نكذّب مئات الشهادات الموثقة اللي بيدلى بيها كل يوم ضحايا التعذيب واللي بيؤكدوا فيها أنهم تعرضوا لتعذيب سادي على إيد ضباط الداخلية. وخللينا نفترض مع الداخلية إن العاملين في منظمات حقوق الإنسان اللي بيوثقوا الانتهاكات الخطيرة دي “عملاء” و”طابور خامس” و بايعين البلد وهمهم الأول والوحيد إنهم يشوهوا سمعة البلد وينقلوا صورة مغرضة عنها للخارج. ماشي. رواية الداخلية بقى بتقول لنا…

نُشر في “فيسبوك” في ٢١ مايوي ٢٠١٤ حسام بهجت يقدم نموذجا ممتازا للصحافة المهنية المحترمة كما يجب أن تكون: أن تنحاز للحقيقة؛ ألا تبخل بجهد أو فكر للوصول إلى معلومات صحيحة مؤكدة؛ ألا تركن لما هو معروف ومتداول بل تحاول دائما أن تقدم الجديد مشفوعا بالدليل؛ أن تقدم كل هذا بأسلوب سهل ورزين؛ وفوق كل هذا، أن تحترم القارئ وذكاءه وأن تخاطب عقله حتى وان استدعى ذلك تهديد قناعاته والتشكيك في “ثوابت الأمة”. ومن ضمن ما يدعونا هذا المقال الرائع للتفكير فيه ليس فقط حجم الفساد الذي مارسه الرئيس المخلوع وولداه (وهو ما أكده الحكم القضائي الصادر اليوم في حقهم)، ولكن دور…

نُشر في “فيسبوك” قي ١١ مايو ٢٠١٤ أشرف الشريف كعادته كتب بوست مثير على صفحته امبارح، ودارت عليه نقاشات كثيرة أغلبها حلو وبعضها مستفز. أنا ملحقتش البوست “ع الهوا” ولما جيت ده الوقت أحط تعليق ما قدرتش علشان التعليق كان طويل حبتين. فقلت أحط التعليق هنا ومنشن لأشرف. بوست أشرف الأصلي امبارح: الجنرال المعتوه : “انا قادم من مؤسسة تاريخها لا يعرف الفشل”…يا جحش ده تاريخ المؤسسة بتاعتك دي كله فشل : ١٨٨٢ و ١٩٤٨ و ١٩٥٦ و اليمن و ١٩٦٧ و الاستنزاف ده غير أكذوبة ١٩٧٣ اللي انتهت و الجيش الإسرائيلي علي بعد اقل من ١٠٠ كيلو من القاهرة…

نُشر هذا المقال في مدى مصر بتاريخ ٢٨ ابريل ٢٠١٤ زي الآلاف، ويمكن الملايين، غيري قرأت قصة حكم القصاص ال ما اتنفذش في مدينة نور في شمال إيران يوم الثلاثاء ١٥ أبريل. القصة سجلها ببراعة المصور آرش خاموشي من وكالة إيسنا للأخبار، وعلى مدار ٣٦ لقطة حكى لينا قصة درامية وكأنها مشهد من أكثر مسرحيات شاكسبير درامية. أول لقطة لواحدة ست منهارة بتبكي وبتخبي دموعها في كفوفها. الست اسمها كوكب، وسبب بكاءها إنها لسه سامعة خبر تأكيد حكم القصاص على ابنها: بكره الفجر هينفذوا الحكم في الساحة الصغيرة ال قدام سجن المدينة. من سبع سنين ابنها، بلال، قتل واحد صاحبه…

نُشر في “فيسبوك” في ١٧ ابريل ٢٠١٤ أنا الحقيقة مش قادر أفهم منطق الناس ال متضايقة من شعار “يسقط يسقط حكم العسكر”، وال بتقارن بين حال فرنسا لما انتخبت ديجول وأمريكا لما انتخبت أيزنهاور علشان يدللوا إن ما فيش مشكلة مبدئية في وصول عسكري للحكم طالما خلع البدلة العسكرية وبقى مدني زية زي غيره من المواطنين. الناس دي بتستهبل ولا إيه؟ أولا، ما فيش مجال للمقارنة بين السيسي وديجول أو أيزنهاور لسبب بسيط وهو إن السيسي في الحقيقة مش عسكري بمعنى إنه عمره ما خاض أي حرب ولا ذاق طعم المعارك الحربية. ديجول وأيزنهاور أسسوا شعبيتهم على سجلهم الحربي الطويل،…

نُشر في “فيسبوك” في ١٧ ابريل ٢٠١٤ يمكن فعلا الواحد لازم يشرح بديهيات الأشياء. إحنا فعلا رددنا هتاف “الشعب يريد إسقاط النظام”، وقولنا بعلو صوتنا “يسقط يسقط حكم العسكر”، وطالبنا بقوة ووضوح بضرورة إعادة هيكلة الداخلية. بس هل ده كان يعني إننا كنا عاوزين إننا نسقط الدولة ونجيبها الأرض؟ هل كنا عاوزين فعلا إن جيشنا ينهار؟ هل كنا بنطالب بتحطيم جهاز الأمن وإن البلد تبقى مفتوحة سداح مداح؟ السيسي ومستشاريه مقتنعين فعلا بكده، ومعاهم قطاع كبير من الإعلاميين ال نجحوا في تصوير ٢٥ يناير على إنها مؤامرة من ناس مأجورة بايعة البلد ومش هاممها لو مصر بقت زي سوريا. لكن…

نُشر في “فيسبوك” في ١٠ ابريل ٢٠١٤ عمرو اسماعيل كتب بوست من شوية على صفحته عن التعذيب في مصر. فبعد ما خلص الفصل بتاع التحقيق مع ريا وسكينة والعصابة في كتاب صلاح عيسى، رجال ريا وسكينة، قال: “مثير جدا للانتباه إن التحقيقات لم تكن تشهد أي تعذيب أو ضغط بدني على المحقق معهم حتى في قضية بحجم ريا وسكينة وبعد اكتشاف بتاع ١٧ جثة في غرفتيهما…على حد علمي إن التعذيب لانتزاع الاعترافات كان هو السائد وكرومر بيحكي في كتابه عن مصر إن من الإصلاحات اللي الإنجليز أدخلوها من ١٨٨٣ هو منع التعذيب لانتزاع الاعترافات من المتهمين …ولكنه بيعترف إن التطبيق…

نُشر في فيسبوك” في ١١ مارس ٢٠١٤ الدولة العميقة في أمريكا. الدولة العميقة في كل مكان. في تطور خطير أتوقع إنه هيؤدي إلي الإطاحة بشوية رؤوس معتبرين، اتهمت السناتور دايان فاينستاين، رئيسة لجنة الاستخبارات في الكونجرس الأمريكي، السي آي إيه بالتجسس على أعضاء اللجنة بتاعتها. ففي مؤتمر صحفي النهارده الصبح قالت فاينستاين إن السي آي إيه اخترقت القانون الفيدرالي بالدخول دون إذن على كومبيوترات أعضاء اللجنة حصلت منها على مكاتبات اللجنة ومراسلاتها. الخطير في الموضوع إن لجنة الاستخبارات كانت بتحقق في بعض الأعمال المريبة الّ السي آي إيه كانت بتقوم بيها، ومن أخطرها أساليب التحقيق وطرق الظبط والتحفظ على المشتبه…

نُشر في “فيسبوك” في ١٠ مارس ٢٠١٤ مشهد من أوبرا “فيرتير” لماسينيه اللي دار الأوبرا هتذيعها على الهوا يوم السبت الجاي، ١٥ مارس، الساعة ٦:٤٥ مساء. العرض ده لا يفوّت. يوناس كاوفمان، واحد من أهم وأشطر مغيين الأوبرا في جيله، هو البطل اللي بيمثل دور فيرتير. ومعاه السوبرانو صوفي كوتش. فعلا فعلا فرصة ما تتعوضش. “فيرتير” أوبرا للموسيقار الفرنسي جول ماسينيه مبنية على قصة لجوته. جوته كتب القصة دي في ستة أسابيع (يناير – مارس ١٧٧٤) لما كان عنده ٢٤ سنة. القصة كان اسمها “أحزان الشاب فيرتير” (Leiden des jungen Werther)، وفي مسافة شهور قليلة اجتاحت أوربا كلها وحولت جوته…