مبارح عملت التسجيل دا مع د. إسلام حسين حول تاريخ الكرنتينا (يعني الحجر الصحي) في مصر في القرن الـ١٩. د. إسلام من الشخصيات العظيمة ال اتعرفت عليها في بوسطن. والحقيقة سابق معرفتي بيه كانت عن طريق النت وتحديدا الفيديوهين العبقريين ال عملهم بعد فضيحة الكفتة. وقتها شفت شاب مصري ما هانش عليه، وهو دارس فيروسات في اتنين من أهم جامعات العالم (كامبريدج في إنجلترا وإم آي تي في أمريكا)، ما هانش عليه وهو بيشوف بعنيه عملية نصب بيّن باسم العلم من غير ما يتصدى ليها ويفضحها. ومن وقتها وأنا نفسي أتعرف على الشخصية العظيمة دي. وبالفعل اتصلت بيه، والتقينا، ودعاني لجامعته، إم آي تي، علشان ألقي كلمة قدام الطلبة المصريين هناك. ومن وقتها وأنا متابع شغله وفيدوهاته ال بيعملها مع ابنه، أدهم، ومعجب جدا بنزاهته وعلمه ووطنيته.
الجزء الأول من حديث د. إسلام حسين حول جهاز الكفتة (٢٨ فبراير ٢٠١٤): الجزء الثاني من حديث د. إسلام عن جهاز الكفتة (٦ ابريل ٢٠١٤):