نُشر في فيسبوك في ٢٢ ديسمبر ٢٠١٢
الفيديو ده بمنتهى الوضوح بيحط النقط ع الحروف: الإسلاميين معندهمش أي احترام لمن يختلف معهم في الرأي ولا للـ”نصارى” ولا للأقليات و لا للأزهر ولا للنظام القانوني المصري، ولا لحقوق الإنسان، ولا حتى للدستور نفسه. ياسر برهامي بيقول بصراحة إن المادة 219 حتحط قيود على حرية التعبير والاعتقاد وسائر الحقوق المنصوص عليها في الدستور نفسه، وبمعنى آخر باستطاعتها تفريغ الدستور من محتواه. مقطع بجد خطير لآنه بيوضح العقلية القمعية للسلفيين واستعدادهم للذهاب لآخر مدى علشان يطبقوا اللي في بالهم. احنا قعدنا نحارب مصطلح الـ
Islamofascism
اللي صكته الدوائر الصهيوينة في أمريكا للتعبير عن كل ما يمت بصلة للإسلام، ولكن بصراحة أنا مستعد دلوقي أقول إن السلفيين دول فاشيين. كل اللي ناقصهم هو السيطرة على أدوات القمع في المجتمع، أي الجيش والشرطة. متى تم لهم ذلك فسنرى أياما حالكة في سوادها.