لقاء تليفزيوني مع عمرو حمزاوي باستضافة يسري فودة وحديث عن حال مصر بعد ست سنوات من اندلاع ثورة ٢٥ يناير
Leave a Comment
الشهر: يناير 2017
نُشر في “فيسبوك” في ٢٣ يناير ٢٠١٧ مبارح القناة الأولى أذاعت مقطع من تسجيل لجوليو ريجيني مع محمد عبد الله نقيب الباعة الجائلين. مش معروف طبعا القناة الأولى (برنامج “أخبار مصر”) حصلت على التسجيل دا منين، إنما منطقيا هيكون من جهة مطلعة على التحقيقات وعندها أصل التسجيل، جهة زي النيابة أو الأمن الوطني. المقطع ال اتذاع بيحاول يظهر جوليو كجاسوس: كلام عن البريطانيين، والمركز المصري، وفلوس، والنقابة. رابط المقطع ال أذاعته القناة الأولى هنا: لكن النهار دا، جريدة كورييرا ديلا سيرا الإيطالية أذاعت التسجيل الأصلي ال القناة الأولى اختارت منه المقطع ال أذاعته. تسجيل الكورييرا ديلا سيرا هنا: والتسجيل الأصلي،…
شارك هذا الموضوع:
نُشر في “فيسبوك” في ١٩ يناير ٢٠١٧ دا حوار مهم مع مصطفى بكري في “الوطن” بيوضح فيه أسباب تمسكة بسعودية الجزيرتين. أهمية الحوار نابعة، أولًا، من إنه بيوضح نية النظام في تصعيد الأمر بالتأكيد على عدم أهلية القضاء الإداري في نظر القضية، وإن مجلس النواب هو ال مفروض يحسم الموضوع. ثانيا، الحوار برضه بيوضح وجهة نظر النظام في المشكلة. من وجهة نظرهم الموضوع محسوم قانونيا لكن في ناس قررت تقلبه سياسة. بمعنى آخر بكري، كبوق للنظام، بيقول إن ال معترضين على الاتفاقية ، في الحقيقة، بيصطادوا في المية العكرة، ومواقفهم مش نابعة من إحساس بالوطنية أو تمسك بالحققوق. وإنما قصدهم…
شارك هذا الموضوع:
نُشر في “فيسبوك” في ١٧ يناير ٢٠١٧ لسه تداعيات حكم المحكمة الإدارية العليا بتتضح لي ساعة بعد ساعة، وأظن إني لسه ما استوعبتش قد إيه حكم المحكمة خطير، وإزاي بيمثل نقطة فارقة في حكم السيسي. من الحاجات الكتيرة ال ناس كتيرة، وأنا منهم، وقفت عندها المجهود المضني ال بذله خالد علي ومالك عدلي والفريق الضخم من المحامين ومن المتطوعين الشباب ال اشتغلوا معاهم على مدار شهور طويلة في ظروف أقل حاجة ممكن تتقال عنها إنها قاسية وصعبة. وكان الملفت برضه انتباه الناس لنوعية المجهود دا: قانوني، ومؤسسي، وجماعي. نوع المجهود دا أنا شايفه طول الوقت على إنه رافد من روافد…
شارك هذا الموضوع:
نُشر في “فيسبوك” في ١٦ يناير ٢٠١٧ بغض النظر المحكمة هتحكم بإيه النهار دا إلا إن ما فيش شك إن قضية تيران وصنافير تمثل نقطة تحول حاسمة في تاريخنا. القضية دي أظهرت بمنتهى الوضوح إن ال بيحمي الأرض هو الشعب ال متمسك بأرضه، ومؤسسات المجتمع المدني ال لسه بتناضل وبتنتصر للحق، وشوية المؤسسات الحكومية ال لسه فيها قدر من الاستقلالية واحترام الذات (زي مجلس الدولة)، وحفنة من الشخصيات السياسية ال حسبت الحسبة صح وأدركت فداحة التمن ال هتدفعه — للشعب وللتاريخ ولضمائرها — لو تخلت عن الأرض (زي أقلية من أعضاء مجلس النواب). وفوق كل دول قضية تيران وصنافير خلّت…
شارك هذا الموضوع:
نُشر في “فيسبوك” في ٨ يناير ٢٠١٧ بؤس إننا نبقى مُخيرين بين ضحالة البرادعي وقذارة أحمد موسى. اتفرجت على حلقة البرادعي واسترعى انتباهي قد إيه احنا (أو على الأقل أنا) كبرنا ونضجنا في الست سنين ال فاتوا. أنا أتذكر أول مرة سمعت البرادعي سنة ٢٠١٠ وقد إيه انبهرت بيه. وقتها لما كان حد يتكلم عن الحقوق والحريات والدستور وضرورة التخلي عن حكم الفرد كنا بنعتبره ثوري، وإن الكلام دا عداه العيب. إنما بعد السنين دي، بل من أواخر ٢٠١١، والأحداث سبقت البرادعي وهو واقف محلك سر لسه بيتكلم عن الحكم الرشيد!! الراجل نزيه وأمين، أيوه. باحترم أخلاقه ونزاهته، أيوة برضه،…
